دوای ئەوەی ئەمڕۆ هەینی چەند جارێک بە ماتۆڕسکیل تەقە کراوە لەناو شاری کەرکوک، یەکێک لەو ماتۆڕسکیلانە تەقە لە مەفرەزەیەکی هێزە ئەمنییەکانی کەرکوک دەکات و هەڵدێت، هێزە ئەمنیەکانی شارەکە بازگە دادەنین لەناو شار بۆ دۆزینەوەی ئەو کەسانە.

هەر ئەم شەو لە نزیک کۆلێژی یاسای کۆن لە کەرکوک، ماتۆڕسکیلێکی دیکە لە بازگەیەکی هێزە ئەمنیەکانی شارەکە دەدات و هەڵدێت، لە کاتی ‌هەڵهاتنی ماتۆرسکیلەکە هێزە ئەمنیەکان تەقەی لێدەکەن و بەهۆییەوە شۆفێری ماتۆڕەکە کە گەنجێکی تورکمانە بەناوی (وەلید یەشار محەمەد) بڕیندار دەبێت و پاشان ڕەوانەی نەخۆشخانەی ئازادی دەکرێت.

هەر بەو هۆیەوە هێزە ئەمنیەکانی شاری کەرکوک قەدەغەی هاتووچۆی ماتۆڕسکیلیان ڕاگەیاند و تا ئێستاش چەند کەسێکیان دەستگیرکردووە.

ژ.ت